مأدبة غداء بمناسبة تقييم اليكسا الجديد....

[المشاكس المحترم]

بهده المناسبة السعيدة ... :)>-
اقييم اليوم مأدبة غداء بمناسبة القفزة الرائعة التى حصل عليها منتدانا ..والتصنيف الجديد ...ودخول نا الى الصدارة ... .....
وافيمت المأدبة على شرف المشرف العام
We_LoL... وكان الحضور كالاتى ...
رونالدو ...ماريو ....المشاكس المحترم ....kosta ....qq

وكان الغداء فى الفطائر اللبنانية ...دخلنا كما يدخل المنتصر فى معركة وطيسة حامية ...بفرض القوانين وكأن افراد طاقم الفطائر لديهم علم بقفزتنا الرائعة الى عالم الصدارة فى المدة القصيرة استقبلونا بابتسمتهم الزايدة والمرضية للمنتصريين ...حتى ديكور الطاولات غيرناه ليتسع لنا فدمجنا طاولتين مع بعضهما والبعض ...فى هده الاتناء الناطق باسم المشرف العام فى هده المأدبة qqWe_LoLلم ياتى ونحن فى انتضاره فشمبرت له ممكن 20مرة ولم يجب فضننت انه يكافح معى فى اقتصاد الكرت الدى لم يبقى منه سوى دراهم والله ايجازى من كان السبب فى
شرتعته بهده السرعة ..وفجأة كان ضنى فى محله واتى ا qq ...

جلسنا جميعا وبدانا فى الطلبيات التى لم تنتهى ( وأدريس..قرسون الفطائر ) تعب
ورانا وجيير واتعبت الطاولة بوجبات الفطائر المتنوعة من كباب( موش زى كباب الكوستة فى الزردة )..وشيس طاوس (موش زى مشوى السكورب فى الزردة )..
والبيتسات (موش زى بيتسات التنفشة فى الزردة) ...
وفى اثناء دللك تبادلنا اطراف الحديث عن هدا الانجاز الرائع وكيف وصلنا اليه وتطرقنا على بعض المواضيع الساخنة فى هده الفترة ... وبنعمة من الله وحمده على هده النعم شبعنا ..تخيلوا معى شبعنـــــــــــــــــا :)>-
ومازال طاقم الفطائر مجند لخدمتنا الى ان انزل ادريس نفس الراجل اللى احكيتلكم عليه امبكرى ...الباب ..ة يبدوا نهم قد اخلوا لنا الفطائر لنأخد راحتنا ..الم اقل لكم انهم ربما لديهم علم بهده المناسبة التى من اجلها اقيمت المادبة واكرر على شرف المشرف العام .... وبعدها غادرنا الفطائر وطبعا بعد الوجبات الدسمة لازم من الحلو ...,ومشينا عاد يا سيدك بن سيد الى اول محل وينك يا حاجة جلوا ...
انزلنا عليها
.. qq ...اخد الجيلاتى ...,الكوستا ايضا اخد الجيلاتى ورنالدوا اخد بكطاطا وجيلاتى وتويكس وماريو اخد بطاطا وجيلاتى ومشاكسكم المحترم اخدت m&m
تدكرت والكوستا ايضا اخد من m&m وqqايضا اخد منها .....
وختمنا المأدبة بm&m
وختمها الqqبجمله هزت بعض من مشاعرى وافرحتنى وقال ارجوا نا نلتقى دايمة فى مناسبات سعيدة مثل هده ....ونا اقول لكم ارجوا ان نلتقى فى مناسبات سعيدة مثل هده ....
http://www.moveed.com/data/media/24/f_d.gif http://www.asmilies.com/smiliespic/txtsmall/004.GIF

[التنفشت]

ادريس

ايوه ايوه

ادريس :-o :-o يسمع بالمأدبة x::: x::: واحنى اللى هما احني مانسمعوش :( :(

طلعتونا باكستان [-x [-x

تحية لمن يقدم الوجبات :~:

انتم ستـــــ 6 ـــــه نفر مش كويس !!!

نهي

[TiGeR]

هنيئا ياودي لكن كيف ماقال التنفشت حتى ادريس يسمع واحني لا لكن انشاء الله المرة الجاية امتا يجيب المنتدى 10/10 وتكون زردة قوية وبتواجد اغلب الاعضاء او نتلاقو في مناسبات اسعد انشاء الله

مع تحياتي

[prince]

ازول

الف الف مبروك على منتدانا وعلى القفزة التي فقزها في الترتيب العالمي بس شكلها والمأدوبة جاية فجأة من غير سابق اي انذار

عموما صحتين وعافية عليكم

وانشاءالله كيف ماقال خونا العزيز QQ نتلاقو في مناسبات ثانية افضل من هادي
تحياتي لكم "prince"

[فيركوو]

الف الف مبروك


لكن .....................


امشيتو الزرده او معزمتوناش ...هادا كلام او فتناه :~:


امشيتو زرده تانيه ,,,, او هادا كلا او فتناه :~:



و لكن تمشو للفطاير و تخلونا هاده اكيد كلام ما يجيش :p .... لكن الله غالب


كيف ما يقولو فيها ::::: 00 الى غاب غاب سهما ........ :-ss

[DarK SnIpeR]

لا لكن انشاء الله المرة الجاية امتا يجيب المنتدى 10/10 وتكون زردة قوية

لا ماداما هكي معناها الزردة عن قريب ومعاتش هلبا انشاء الله :d

[MaTrEx2]

صحة صحة والله هنيئة ليلكم وانشاء الله تكون مش اخر لاافراح ودامت الافراح :

لكن واني في التشاريكة لقيت قروب المنتدى ملتمين :-?

فقلت في نفسي زعما بيمشو للفطائر ولة لا :-?
فالصدفة امشو وانشاء الله العزومة الجاية نمشو معاكم


دامت الافرح في المنتدى عامرةفي شوارع المنتدى

[Brocken Arrow]

[-x [-x
.ايه ما اتصدقوا الواحد ايغيب اعليكم اشويه اتفوتوه هكي... :-w ..تباهي يا مشاكس انت والكيو كيو...الجايات اكتر من الرايحات :~:

[هيمو]

امشيتو الزرده او معزمتوناش ...هادا كلام او فتناه :~:



والله عندك حق يا فيركو مفروض عزمونا لكن معليشى صفره ديمه
تحياتى.............هيمو (*)
وما تنسوش [-x تعزمونا الزرده الجايه

[ألنمر]

هنيا لى المنتدى او صحا لى الى الجماعه الدلل يا فيركو نمشو لى الزرده لاكن وحده عند بانو ول ماتخيبشتو لازم فيه هاديك الدعكه فى الليل الى لازم منها انى وياك اوناخدو لحول او يارضس او حربونه او العبيد نديروها حاجه صح او كل المنتدى معزوم العنوان : الشدبان طريق صاك عبد الصمد بسريلا بانو

[فيركوو]

باهى هكى نتفاهمو يا نمر المنتدى اعطى لجماعه اليوم و التاريخ او يلا و انى نستنا فى الزرده :)>-

[wailwaw]

واو الله منتدانا ماشاء الله عليه قصدى وصلنا لمستويات مكنتش نفكر فيها

ربى يزيد منتدانا تقدم ويخلى الناس الى فيه تزيد إبداع ..... لكن......

مش الناس الى مدايرين زردة بروحهم ومفكروش فى الناس الثانية

قصدى عزومة حتى بالبصارة قصدى وليمة .... وين .... فى الفطائر وعزموش

عالعموم الجايات أكثر من الرايحات ...... ومازال فيه مفاجئات جديدة

[تمورت]

صحه وعلاش لا

[Twelo0olt]

السلام عليكم ..

بداية اود ان اسجل تعليقي وتواجدي معكم بكل ود ووفاء للمنتدى الغالي..

و غرضي من التعليق هنا تحديدا متابعتي للمواضيع الهادفة والهامة في المنتدى ولكن...؟

تمورت : ماهو هدفك من اعادة التعليق وفتح مواضيع في منتدى أخبار الموقع ؟؟..
اخبار الموقع منتدى مختص بكل ماهو جديد من أحداث تخص المنتدى او زوارة او الأعضاء الكرام ..
فما هو الهدف من التعليق بعد مضي عام على الخبر ..2006
هل تجد المتعة في فتح الأخبار القديمة والتعليق مجددا ؟؟..هل لا يوجد لديك اي معلومة تفيدنا او تضيف شيء بدل تتبع هدا الأسلوب ؟؟

المنتدى ليس بدفتر خاص تكتب فيه ما يجول بالخاطر !!..بل هو دفتر عام للجميع يكتب فيه ما يستحق الأهتمام والقراءة وفي محله من المنتديات ومحله من الردود .. ولهدا السبب المنتديات منوعة في منتدى زوارة يمكن ان تجد المجال الدي تميل اليه للكتابة والردود ...

اما كتابة بدون هدف وفي غير محلها وزمانها فهدا لا يليق بالمنتدى و القراء المتواجدون من كل انحاء العالم ..ولا يليق بك كاعضو معنا في هدا الصرح

ادا كانت تهمك مصلحة منتدانا العزيز فارجو ان تلتزم !!..

وانا تعمدت ان اكتب هنا وليس في اي رسالة خاصة لعل هنالك من لديه رأي اخر ..

والسلام عليكم ورحمة الله